Астанадағы адвокат — Ерғали Мелдебеков

Астанада адвокаттық заң көмегі

Қылмыстық, азаматтық, әкімшілік және отбасылық істер бойынша адвокаттық көмек.

Ерғали Мелдебеков — Астана қаласы адвокаттар алқасының адвокаты. Адвокаттық қызметін 2010 жылғы 7 қыркүйектен бастап жүзеге асырады. Жұмысының негізгі мақсаты — сенім білдірушілерге кәсіби заң көмегін көрсету, олардың құқықтары мен заңды мүдделерін қорғау және өкілдік ету.

Адвокаттық қызметтің негізгі бағыттары

• Қылмыстық істер: күдіктілерді, айыпталушыларды және сотталушыларды қорғау, жәбірленушілердің мүдделеріне өкілдік ету, сотқа дейінгі тергеп-тексеруге және сот талқылауына қатысу.
• Азаматтық істер: мүліктік, шарттық, мұрагерлік және өзге де азаматтық-құқықтық даулар бойынша көмек, сотта өкілдік ету.
• ҚР ӘРПК бойынша әкімшілік істер: әкімшілік актілерге, әкімшілік органдар мен лауазымды адамдардың әрекеттеріне және әрекетсіздігіне дау айту.
• Әкімшілік құқық бұзушылық туралы істер: әкімшілік жауаптылыққа тартылған кезде қорғау және қаулыларға шағым жасау.
• Отбасылық істер: некені бұзу, мүлікті бөлу, алимент өндіріп алу, балалардың тұрғылықты жерін және олармен қарым-қатынас жасау тәртібін анықтау жөніндегі даулар.
• Еңбек даулары: жұмыскерлердің еңбек құқықтарын қорғау және жеке еңбек дауларын шешу кезінде өкілдік ету.

Мүдделерді қорғауға кәсіби көзқарас

Әр істің мән-жайы жеке зерделенеді. Құжаттар мен дәлелдемелер талданып, құқықтық негіздер және қорғаудың процестік тәсілдері анықталады. Құқықтық ұстаным істің нақты жағдайлары мен Қазақстан Республикасы заңнамасының талаптарына сүйеніп қалыптастырылады.

Адвокат бірінші, апелляциялық және кассациялық сатыдағы соттарда сенім білдірушілердің мүдделеріне өкілдік етеді және оларды қорғайды, сондай-ақ іс жүргізудің өзге сатыларында заң көмегін көрсетеді.